ايراندا داها بير آذربايجانلی فعالين يوخا چيخديغی بيلديريلير
22/08/2007
"مئديا فوروم"ون يايديغی معلوماتا گوره اوگوستون 19 دا پئشه جه مهندس اولان بير آذربايجانلی فعال يوخا چيخيب. يوخا چيخان فعال عبدالله عباسی نين اطلاعات مامورلاری طرفيندن توتولدوغو گومان ائديلير. او "مهندس لر بيرلييی" نين عضوو اولماقلا ياناشی ملی حقوقلارين الده ائديلمه سی اوغروندا فعاليت لرينه گوره ده تانينان سيمالاردان بيری دير. عبدالله عباسی نين هارادا اولدوغو باره ده هر – هانسی معلوماتين اولماديغی بيان ائديلير.
"مئديا فوروم" ايران آذربايجانينداکی قايناق لارينا استناد ائده رک بيلديرير کی، سياسی فعال لارين مدافعه سينی تامين ائتميش وکيل صالح کامرانی نين کئچن هفته حبس ائديلمه سيندن بری آذربايجانلی فعال لارا قارشی تضييق لر داها دا آرتيب. اونون تهرانين ائوين حبس خاناسينا گوندريلدييی معلوم اولوب.
بو آرادا" حاق" بيلديرير کی، تبريزين آرمان ئويرنجی تشکيلاتی نين عضوو يونس زارعيون تبريزين 115 سايلی انقلاب محکمه سی طرفيندن 6 آی مدتينه آزادليق دان محروم ائديليب. بو قايناغين وئردييی باشقا معلوماتا گوره هادی حميدی اورميه محکمه سينه چاغيريليب، اکبر پاشائی نين ايسه محکمه سی کئچيريليب . محکمه نين اونون حاققيندا هر- هانسی قرار قبول ائديب- ائتمه مه سی باره ده معلومات وئريلمه ييب.
posted by Mehran Baharlı at 10:31 PM
0 Comments:
Post a Comment
<< Home