سولدوزلو مهندس ائوين زيندانينا گؤنده ريليب
آلديغيميز خبرلر اساسيندا، عبدالله عباسي جوان، سولدوزلو مهندس و بيلي يوردو اؤيره تمني ۶ گون گيزلي ساخلاتيلاراق سونوندا ائوين زيندانينا گؤنده ريليب.
سولدوز دوغوملوسو اولان مهندس جوان تهران شهه رينده ياشايير. ۶ گون اؤنجه ائوينه سالديران گيزلي سئرويس مأمورلاري، بير چوخلو کيتاب، بيلگي سايار و شخصي ملزمه ايله بيرليکده جناب جوان-ي اؤزلريله آپاريبلار.
ايندييه دک اونون هاردا اولدوغونو بيلديرمه يه ن ايططيلاعات، سونوندا دئييب کي عبداالله عباسي جوان ائوين زيندانينا گؤنده ريليب. بو گون ۳ آزربايجانلي فعال ائوين زيندانيندا ۲۰۹ بؤلمه ده ساخلانيلماقداديرلار. ائوين زيندانيني ۲۰۹-اينجي بٶلمه سي اونلودور چونکو اوردا قالان محبوسلاري ايشکنجه ائتمک اوچون آييرارلار
آزربايجان ميللي حرکاتي مدني اولدوغو اوچون، هله ليک هئش بير فعال آغير جزا ايله سوچلانيلماييب آمما دوروم گون به گون ده ييشديريلير. جاسوسلوق و ايسلامي حاکيمييتله ساواش آپارماق سوچويلا قارشي قارشييا قالان آزربايجانلي فعاللارين گله جکده بير سيرا اويونلار سونوجو تهلوکه يه سالينماماسي اوچون، آزربايجان ميللي فعالاري و اينسان حاقلاري اؤرگوتلر ديققتلي اولماليديلار.
باشقا ميللتلرين سيياسي فععاللاريني سوچلانديراراق دارا آسان ايران حاکيمييتينه ايجازه وئريلمه مه ليدير کي بئله يالانجيل سوچلامالارلا آزربايجان ميللي فعاللارينا ضرر يئتيرسين. آزربايجان ميللي حرکاتي تام آنلاميندا سيويل و مدنيدير و ۳-اونجو اولکه يه باغلي دئييل.
posted by Mehran Baharlı at 11:48 AM
0 Comments:
Post a Comment
<< Home