بو ديلي قويماريق ايته-يئرينه تيكانلار بيته

داستان عشق و وصال توركي - فارسي

تا ابد در دلمي اي شهيد...

شعري كه تقديم حضورتان مي شود اثر شهيد جانباز محمدرضا جعفري از اهالي سولدوز( نقده) دانشجوي رشته مديريت دوست دوران دانشجويي ام در دانشگاه اصفهان است ، كه در آن داستان دلدادگي به دختري تورك بيان شده كه به دليل آسيملاسيون در حال بي خبري از اصل و نسب خود بسر مي برد و اين اتفاق عاشقانه باعث بازگشت وي به خويشتن مي شود به قول مولانا:

هركه كو دور ماند از اصل خويش
باز جويد روزگار وصل خويش

1-

بير گون آخشام ايصواهاندا **
دولانيرديم خيياواندا
گاه بوياندا، گاه اوياندا
گئتديم دوغان چاي´ا يئتديم **
سولموش گول تك بير ده بيتديم

2-

گون گئديردي داغا باتسين **
اوزاقلاردا يارا چاتسين
بوردا قالماق داشين آتسين
ياراماز كي بوردا قالا **
تيكانلارا ايشيق ساچا

3-

غوربت يئرين اوزاغيندا **
شوراكندلر قيراغيندا
ايتميش گونلر سوراغيندا
اوره ك يئنه غمه دولدو**
كده رله ندي، گولو سولدو

4-

توركلر بوردا اوجاق ساليب **
تمددونلر ياپيب قاليب
بورا شؤهرت بيزدن آليب
بيز اكميشيك بو گوللري **
چيچه ك ائتديك بو كوللري

5-

گئچميشلردن ياد اولمايير **
سينيق اوره ك شاد اولمايير
هئي باغيريرام داد اولمايير
بونلار بيزي گؤزدن آتيب **
دانيشيقدا سؤزدن آتيب

6-

«اللاه وئردي» آدي باتيب **
تاريخلرده آدي ياتيب
بونلار اونو ديلدن آتيب
«سي و سه پل» ديلده گزير**
بير تمددون گولون ازير

7-

تاريخ بيلير نه لر گئچيب**
بورا بيزدن سولار ايچيب
بيز اكميشيك بونلار بيچيب
بيز قازانديق اؤزگه يئدي**
بيزيم ائله گؤر نه دئدی

8-

بيزيم ائلي پيسله ييرلر **
پيس آديلا سسله ييرلر
بيزي پوزقون ايسته يير لر
تورك ديلينين آدي گئتسين**
آغيزلاردان دادي گئتسين

9-

دردي بيزيم ائلين چوخدو **
بيزه يارديم ائده ن يوخدو
اؤزگه ديلي بيزه اوخدو
بو اوخ بيزي يارالاييير **
گونوموزو قارالاييير

10-

بو ديلي قويماريق ايته **
يئرينه تيكانلار بيته
اؤزگه دن آلماريق تيكه
بو ديل بيزيم وارليغيميز **
بونسوز گله ر دارليغيميز

11-

شهرييار´دان حئيدربابا **
بيزلره دير اوجا قالا
هاممي گلين آتا بالا
ساخلاياغين بو قالاني **
اوجالداغين ساوالان´ي

12-

بوردا زامان عوض اولوب ***
تورك ديلينين رنگي سولوب
بيز اكه ن گول تيكان اولوب
ياددان چيخير اؤزلويوموز **
الده ن گئدير دوزلويوموز

13-

دوغان چاي´ين قيراغيندا **
گزيرديم گول سوراغيندا
بير قيز نغمه دوداغيندا
مني گؤردو بير گؤز آتدي **
پيچيلداشدي بير سؤز آتدي

14-

تانيشيدي باخيشلاري **
يانديريبان ناخيشلاري
ساچينين گول تاخيشلاري
توركون بوجور قيزي چوخدو **
كيرپيكلري قيزيل اوخدو

15-

گؤرمه ميشديم بئله نيگار **
هؤروكلري طناب-ي دار
اولار آلام من بئله يار
اونو گؤردوم هاوالانديم **
قوربت ائلدن هاوالانديم

16-

ساوالان´ين بولاقلاري **
قارا قاش گؤز اوشاقلاري
قيزلارينين ياناقلاري
كؤنلوم قوشو اوچدو بيردن **
ياديما تئز دوشدو وطن

17-

منه باخدي خومار گؤزو **
ماراقلاندي گولدو اوزو
بيليرديم كي واردي سؤزو
گوله گوله گؤزو دولدو **
لاله ياناق اوزو سولدو

18-

دئديم گؤزه ل هاراليسان ؟*
بنزير توركون ماراليسان؟
دئيه ن سن ده ياراليسان؟
آدين نه دير سؤيله گؤروم؟**
او تئللرين گتير هؤروم

19-

سونبوله اوخشايير قاشين **
سؤيله گؤروم نه دير ياشين؟
گتير سيليم او گؤز ياشيم
چوخ گليرسه ن منه تانيش **
گل يانيما بير آز دانيش

20-

دئدي: آقا تو كيستي ؟ **
اهل كجا و چيستي؟
همشهري ما نيستي
چه كاره اي بگو به من **
از پيشه ات بگو سخن

21-

دئديم: دده قورقود منيم آتام **
تومروس خانيم منيم آنام
بابك داييم، سارا خالام
كوراوغلودور منيم آديم **
قير آديندا واردير آتيم

22-

دئديم: قوچاق نبي عميم **
آرازدا غرق اولوب گميم
درديمه يوخدي مرحميم
آراز آلدي قارداشيمي **
سيله ن يوخدو گؤز ياشيمي

23-

توركمانچاي – گولوستاندا **
ياريق دوشدو بيزيم جاندا
گوللر سولدو ناخجيواندا
آنا اوزاق بالاسيندان **
عسگر اوزاق قالاسيندان

24-

قارا باغ´ين بالالاري **
اوره ييمين پارالاري
قاني آخان يارالاري
ايگيتلري دار آلتيندا **
چيچكلري قار آلتيندا

25-

ائرمنيلر آلير جاني **
موسلمانين آخير قاني
بيزه يارديم ائدن هاني
ديليميزده علي آدي **
يوخسوللارين اودور دادي

26-

آللاه آدي ديليميزده **
قانلي بايراق اليميزده
بودور قايدا ائليميزده
حاقدان اؤترو چاليشاريق**
يانار اودا آليشاريق

27-

باج آلميشيق خانيميزدان **
گوللر اكديك جانيميزدان
سويون وئرديك قانيميزدان
بلكه فيتنه اودو سونسون **
ظاليملرين دؤورو دؤنسون

28-

شيخ محممد خيياباني **
آسلان كيمي ستتار خاني
آدلي سانلي باقيرخاني
آللاه آدي سسله ميشيك **
باكيري´لر بسله ميشيك

29-

دئدي: كلامت آشنا **
نزديك من بيا بيا
شنيده هم من از بابا
شبيه اين گفتار را **
قصه ي آن ديار را

30-

اهل اورميه بابام **
دختر تبريزه مامام
آذربايجان گله برام
من زاده ي تبريزم **
از عشق او لبريزم

31-

دانيشاندا بو سؤزلري **
ياشا دولوردو گؤزلري
جان يانديريردي كؤزلري
آيريلميشدي ائليميزدن **
اؤزگه اولموش ديليميزدن

32-

آتا – آنا ديلين دانيب **
بو دا اؤزگه ديلين قانيب
قاليب يانار اودا يانيب
اؤزگه ديلينه ن دانيشير **
يانان اوديله آليشير

33-

دئدي: بگو نصيحتي **
بده به من بصيرتي
دهد كلامت عبرتي
در زندگي يار توام **
هم كيش و غمخوار توام

34-

من دختري آزاده ام **
كرده پدر آواره ام
گرچه زبانم داده ام
اما ضميرم ترك است **
خاك و خميرم ترك است

35-

دئديم آي تئللري قارا **
وورورسان قلبيمه يارا
گل ائله درديمه چارا
قوربانام او قارا گؤزه **
قولاق وئر بو غملي سؤزه

36-

قاييت قاريش ائليميزه **
باريش قونوش ديليميزه
بورول ساريش سئليميزه
آخاق گئده ك دنيزلره **
قارانليقدان گونوزلره

+*+*+*+*+

ایضاح: دوغان چای = ترکی زاینده رود
ایصواهان : اصفهان

اسامی خاص موجود در شعر شخصیتهای تاریخی آذربایجان مي باشند

ائلدنيز ساعت ۳:۳۰ دقيقه نصف شب
نوشته شده توسط ائلدنیز در پنجشنبه 25 مرداد1386