آلپار سولدوزلو-نون«گل سن اؤیره ن دیلیمی» شعری
آلپار سولدوزلو-نون«گل سن اؤیره ن دیلیمی» شعری
گل سن اؤیره ن دیلیمی
زور دئییب سن منه ایللر بویو سن
اؤزومو، تاریخیمی، کولتورومو انکار ائدیب، تحقیر ائدیب سن دایم
یوخدو دونیادا سنه دیلداش اولان
مین کورور تورکلره وار قارداش اولان
دیلیمین،کولتورومون دونیادا وار ایستییه نی
گوجلو دیل، قایدالی دیل، فایدالی دیلدیر تورکو
قالاجاقدیر، ابدی دیر دیلی میز
دایانیب دیر ساوالان ذیروه سینه
سیندیریلماز بئلی میز
جان وئریب حاققین آلاندیر ائلی میز
جوشاجاقدیر، داشاجاق گور سئلی میز
گل سن اؤیره ن دیلی می
قورخودان دوستاقا سالما ائلی می
ظولم له،تحقیرله
حبس له، تکفیر له
سیندیرانمان بئلی می
گله جکده گؤره جک دونیا بوتون
گوجلو،جوشغون سئلی می
او زامان کی بورویوب حادثه لر اؤلکه میزی
یا اَسیب یوردوموزا توفانلار ... ایرانی کیم قورویوب ؟
«فارس» دیلین کیم قورویوب ؟
بیرجه اینصاف ائله گل آیدین باخ
دانما سن «مولوی» نی
یا «نظامی» یا کی « خاقانی» کیمین اوستادی
لاغا قویما بو گون« اوستاد سخن» شهریاری
تاپداما تورک اولوسون کولتورونو ... دیلی نی، تاریخی نی
تورکونو اؤیره نه جک سن بیر گون
تورکو دیلده یازاجاق سان بیر گون
تورکو یالنیز اولاجاق اورتاق دیل
دونیادا منزلتی، حورمتی وار
اسکی دیلدیر تانینیب اوستون دیل
کؤکومه،تاریخیمه،کولتورومه
دیلی مه باخسان اَیر- اون مین ایل قدمتی وار
تورک اولوس«ایران» دا
یاشایان قیرخ میلیون
یاشاییر«تهران» دا ... قم ، کرج ، ساوه ، اراک ، بیجاردا
«خوراسان» ، «شیراز» دا
«تورکمن صحرا» دا ،«گچساران» دا
«گنبد کاووس» دا یا«قوچان»،«بجنورد» دا ... یزد ده، کرمان دا
«انزلی» «طالش» دا ... قوروه ده، ساققیزدا ...
بیر نظر ائیله گینن تورک اولوسون اؤلکه سینه
آذربایجانا، اود یوردونا باخ
اورمودان اردبیله
ماکو- خوی- سالماسینا- سولدوزونا
قوشاچای، صایین قالا- کؤهنه شه هر
«صوفیان» دان تسوجا- خامینه یه
قاراداغدان- موغانا
اوشنوده ن ، سویوق بولاق، سردشته
خانادان قره عیینیه، ... کیوی دن علمدارا، گرگره باخ
تبریزه، کلیبره، چایپارایا
جلفادان- آستارایا- خالخالا باخ
ملک کندی- بینابا
قاراغاجدان- خییاوا
زونوزا- شبستره
مییانا- خد آفرین تورکامانا
گئرمی ده ن ورزقانا
اوسکویه- عجب شئره
بوکانا- توفارقانا
نیر، نمین، بیله سووار دان سارابا
شوط، مرند- پلدشته
هئریسه- هئشترییه
همدان- بوستان آوا- خسرو شاه
قزوینه، زنگانا باخ
وورما «ایران» سندین «پارس» آدینا
تاریخه دوز گون باخ
ایرانی مهلکه لرده ن چوخ آغیر تهلوکه لرده ن قورویان
تورک اولوس، اود یوردو
آذربایجان اولوب
گل عناد ائیله مه سن تاریخ له
یالنیز ایران دئمه «شیراز» یا کی «رفسنجان» دی !
«اصفهان»، «کرمان» دی !
«یزد» له،«سمنان» دی !
زور دئمه «خالق» لارا
یاشاییر ایراندا- تورک، عرب، بلوچ ...
کیم دئییر«فارس» دیلی معیاردی بوگون «وحدت» ایچون ؟!
«فارس»دیلینده نه اویار «وحدت ملّی» ایچون ؟!
«تورک»ایچون تورکی دیلی قوتسال دیر
هم شکر دیر هم بال دیر
اؤزگه دیل تورک اولوسون بوینوندا
بیر آغیر یوکدو وبال دیر
گووه نیر سن «ایکی مین بئش یوز» ایله !
قایداسیز فارسی دیله !
آیری بیر اؤلکه لره
باشقا میللت لره باخ
هنده باخ یا سویسه
گؤر نئچه دیل تانینیب «اورتاق» دیل
بو فاشیستی- شوونیستی یولو دا گئتمه گینن
بوندان آرتیق داها ظولم ائتمه گینن
بو یولو گئت سن ایر:
« شوونیزمین قبیرین قازاجاق میللتیمیز
عدل و داد منشورونو یازاجاق میللتیمیز
سولدوز خبر
posted by Mehran Baharlı at 5:04 PM
0 Comments:
Post a Comment
<< Home